Ndryshimi i Ligjit për Gjykatën Speciale: Çfarë përmban dokumenti i dorëzuar nga Qeveria në Kuvend?

Qeveria e Kosovës i ka dorëzuar zyrtarisht Kuvendit qëndrimin e saj lidhur me nismën legjislative për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar. Sipas dokumentit zyrtar, përgjigja e ekzekutivit përfshin tri shtylla kryesore: opinionin ligjor për përputhshmërinë me standardet e Bashkimit Evropian (acquis), vlerësimin e detajuar të ndikimit buxhetor, si dhe opinionin juridik mbi përmbajtjen e vetë projektligjit. Ky propozim për ndryshimin e ligjit në fjalë është iniciuar nga Partia Demokratike e Kosovës (PDK). Kjo nismë vjen si pasojë e aktgjykimit dënues të shkallës së parë të shpallur në Hagë ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.