Kurti takon ambasadorin e ri francez: Në fokus bashkëpunimi ekonomik dhe rruga drejt BE-së

Kryeministri i vendit, Albin Kurti, ka zhvilluar një takim zyrtar me diplomatin e ri të Francës në Kosovë, Jean-François Huchet, të cilit i ka shprehur mirëseardhjen dhe i ka uruar fat e suksese në përmbushjen e misionit të tij të ri. Nëpërmjet një njoftimi në rrjetet sociale, kreu i ekzekutivit bëri të ditur se në qendër të bisedës ishte intensifikimi dhe zgjerimi i raporteve bilaterale ndërmjet dy shteteve, duke prekur disa sektorë kyç të zhvillimit. Kreu i qeverisë veçoi se gjatë takimit u shqyrtuan përgatitjet për Lojërat Mesdhetare 2030, krahas mundësive për investime strategjike në fushën e energjisë, teknologjisë dhe infrastrukturës. Po ashtu, gjatë këtij takimi u trajtua edhe procesi i integrimit evropian të Kosovës, me ç'rast u vu theksi te rëndësia e mbështetjes së vazhdueshme që Parisi zyrtar i jep vendit tonë në këtë drejtim.