Tensione dhe mjete piroteknike para Ministrisë së Drejtësisë në marshin protestues në Prishtinë

Pjesëmarrësit e tubimit protestues “Jo në emrin tim”, të mbledhur mbrëmjen e sotme në kryeqytet, kanë zhvilluar një marshim drejt objektit të Ministrisë së Drejtësisë. Forca të rendit janë pozicionuar në terren duke krijuar një kordon sigurie, ndërkohë që gjatë zhvillimit të protestës, nga turma janë hedhur mjete piroteknike në drejtim të institucionit. Gjatë fjalës së tij para tubimit, organizatori i kësaj nisme, Çlirim Haziri, i ka bërë thirrje ministres Donika Gërvalla që të procedojë ligjin për Gjykatën Speciale, duke paralajmëruar se protestat do të vijojnë çdo natë pa ndalur. Ndërkohë, pavarësisht hedhjes së mjeteve piroteknike, Haziri u ka bërë apel të pranishmëve që të përmbahen dhe të shmangin veprime të tilla gjatë protestës.