Këngëtarja e njohur dorëzon kallëzim penal ndaj kompozitorit: Autoritetet tani s’kanë më alibi

Këngëtarja e mirënjohur shqiptare, Eli Fara, ka ndërmarrë hapin ligjor duke e denoncuar zyrtarisht në polici kompozitorin Adi Hila, sipas konfirmimit të gazetarit Andi Vrapi. Kjo ngjarje është bërë e ditur gjatë ditës së enjte, teksa Vrapi ishte i ftuar në emisionin e mëngjesit “Ora 7” në Klan Kosova, duke iu referuar informacioneve të siguruara nga burime të sigurta brenda strukturave policore. Duke theksuar se kallëzimi tashmë është regjistruar zyrtarisht, gazetari vlerësoi se institucionet e rendit nuk kanë më asnjë lloj hapësire apo arsyeje për të zvarritur procedurat, por duhet të veprojnë menjëherë. “Burime brenda policisë sot në mëngjes kur po shkruheshim kanë treguar që në fakt Eli Fara e ka marrë guximin dhe ka bërë një denoncim në polici”, u shpreh Vrapi gjatë intervistës. Në vijim të fjalës së tij, ai kërkoi që organet ligjzbatuese të tregojnë profesionalizmë dhe të përmbushin detyrat e tyre pa hezitim. “Kam përshtypjen tashmë nuk ka më asnjë justifikim nga organet kompetente që të bëjnë asgjë më pak e asgjë më shumë se punën e tyre”, shtoi ai. Krahas kësaj, gazetari ndali theksin edhe te trajtimi i rasteve të tilla në opinionin publik, duke bërë thirrje për solidaritet më të madh dhe duke nënvizuar se gratë e përfshira nuk i detyrohen askujt shpjegime publike. “Unë mendoj që zonjat në fakt, zonjat në fjalë të gjitha, jo vetëm dy zonjat e njohura, nuk na kanë neve borxh asnjë deklaratë publike apo një shpjegim”, përfundoi Vrapi.