Kurti takon për herë të parë Trumpin në OKB: SHBA mbetet aleati ynë kryesor dhe i pazëvendësueshëm

Kryeministri i Kosovës, Albin Kurti, ka zhvilluar një takim historik me Presidentin e Shteteve de Bashkuara të Amerikës, Donald Trump, duke shënuar kështu kontaktin e tyre të parë zyrtar. Përmes një postimi në rrjetet sociale, kreu i ekzekutivit kosovar ka ndarë detaje nga kjo ngjarje, duke bërë të ditur se i ka shprehur mirënjohjen liderit amerikan për nxitjen e valës së investimeve në siguri brenda aleancës së NATO-s, një strukturë ku aspiron të aderojë edhe Kosova. "Në kuadër të Javës së Nivelit të Lartë të Asamblesë së Përgjithshme të OKB-së, kisha nderin që të takoj për herë të parë Presidentin e Shteteve të Bashkuara të Amerikës, z. Donald J. Trump. E falënderova për ngritjen e valës së investimeve në mbrojtje në NATO, ku edhe Kosova duhet të anëtarësohet," ka bërë të ditur Kurti. Më tej, shefi i qeverisë ka vënë në dukje rëndësinë e marrëdhënieve dypalëshe, duke e cilësuar Washingtonin si mbështetësin më të rëndësishëm të shtetësisë kosovare. "Shtetet e Bashkuara të Amerikës janë aleati kryesor, partneri i pazëvendësueshëm dhe miku special i Republikës së Kosovës," ka theksuar kryeministri në mesazhin e tij.