Vëmendje: Ndryshon orari i protestës “Jo në emrin tim”, njoftimi i plotë nga sheshi “Skënderbeu”

Organizuesi i nismës protestuese “Jo në emrin tim”, Çlirim Haziri, ka bërë të ditur se tubimi qytetar do të mbahet edhe sonte, duke shënuar kështu natën e 17-të me radhë në sheshin “Skënderbeu” në kryeqytet, por me një orar të përditësuar. Përmes një njoftimi të publikuar për publikun, Haziri ka sqaruar se prej kësaj nate tubimet do të nisin zyrtarisht duke filluar nga ora 19:00. “KUJDES – NGA SONTE NDRYSHON ORARI! ORA 19:00. Sheshi ‘Skënderbeu’”, ka shkruar ai në mesazhin e tij drejtuar qytetarëve. Në thirrjen e tij për pjesëmarrje masive, ai ka theksuar rëndësinë e vazhdimit të kësaj proteste në mbrojtje të vlerave kombëtare dhe institucionale. “17 net rresht. Për UÇK-në. Për drejtësi. Shihemi sonte në ora 19:00!”, ka përfunduar Haziri.