Kurti paralajmëron fundjavë vendimtare: Javën e ardhshme Kosova bëhet me president

Kryeministri i Kosovës, Albin Kurti, ka konfirmuar se tashmë kanë nisur diskutimet intensive për arritjen e një konsensusi rreth zgjedhjes së kreut të shtetit, duke vënë theksin te rëndësia e kësaj fundjave për fatin e marrëveshjes. Sipas kreut të ekzekutivit, synimi kryesor mbetet që vendi të ketë presidentin e ri gjatë javës që vjen. “Kemi filluar komunikimet dhe natyrisht që kjo fundjavë është vendimtare për të pasur marrëveshje, që javën e ardhshme të kemi president”, ka deklaruar Kurti.