Ngjarje e rëndë në Fier: Arrestohet këngëtari, akuzohet për përndjekjen e të miturave

Uniformat blu të Fierit kanë ndaluar në flagrancë artistin e njohur lokal, Erind Xhaferi, pasi dyshohet se ka përndjekur disa vajza të mitura dhe ka kryer veprime të turpshme ndaj tyre. Sipas informacioneve zyrtare, operacioni u vu në lëvizje menjëherë pas një telefonate emergjente që të miturat bënë në sallën e operacioneve të policisë, duke denoncuar ngjarjen. Falë ndërhyrjes së shpejtë dhe verifikimeve në terren, efektivët e Komisariatit të Policisë Fier bënë të mundur identifikimin dhe shoqërimin e të dyshuarit në ambientet e Drejtorisë Vendore të Policisë, ku u ndërmorën hapat e mëtejshëm ligjorë. Ndaj artistit fierak rëndon akuza për veprën penale "Vepra të turpshme", e parashikuar nga neni 108 i Kodit Penal, ndërkohë që hetimet vazhdojnë për zbardhjen e plotë të dinamikës. Materialet e plota procedurale i kanë kaluar për kompetencë Prokurorisë pranë Gjykatës së Shkallës së Parë të Juridiksionit të Përgjithshëm Fier, e cila do të ndjekë hapat e mëtejshëm ligjorë.