Atmosferë magjike dhe plot emocione në kanagjeqin e Aurora Rrustës: Nga takimi me vjehrrën te dhuratat e çmuara

Ish-konkurrentja e njohur e spektaklit "Big Brother VIP Kosova", Aurora Rrusta, ka organizuar festën e saj tradicionale të kanagjeqit. Kjo mbrëmje festive ka qenë e mbushur plot me momente prekëse, surpriza të këndshme dhe dhurata të shumta, duke krijuar një atmosferë të paharrueshme për nusen dhe të ftuarit. Ndër çastet më të veçanta të natës ishte padyshim takimi i parë i vjehrrës me Aurorën e veshur nuse, një moment ky që dhuroi mjaft emocion tek të pranishmit. Po ashtu, vëmendje të madhe mori edhe gjesti i vëllait të saj, i cili zgjodhi ta "mbulonte" me para të motrën në këtë ditë të rëndësishme për të. Në këtë natë festive nuk munguan as dhuratat luksoze. Një vëmendje të veçantë mori surpriza nga Suanita, e cila i dhuroi Aurorës një byzylyk mjaft të rëndë prej ari, duke i shtuar edhe më shumë shkëlqim festës së ish-banores.