Krerët e shteteve në axhendë: Ursula von der Leyen nis vizitën zyrtare në rajon, këtë javë vjen në Prishtinë

Presidentja e Komisionit Evropian, Ursula von der Leyen, do të nisë një turne zyrtar në Ballkanin Perëndimor duke filluar nga e mërkura e ardhshme. Stacioni i parë i këtij udhëtimi do të jetë Shqipëria, ku ajo do të zhvillojë takime bilaterale me presidentin Bajram Begaj dhe kryeministrin Edi Rama. Pas vizitës në Tiranë, sipas paralajmërimeve, shefja e ekzekutivit evropian do të zbarkojë në Kosovë ditën e enjte. Në kuadër të agjendës së saj në Prishtinë, Von der Leyen është planifikuar të takohet me ushtruesen e detyrës së presidentes, Albulena Haxhiu, si dhe me kryeministrin Albin Kurti, megjithëse detajet rreth temave specifike të diskutimit mbeten ende të padeklaruara. Më pas, ajo do të vazhdojë rrugëtimin diplomatik drejt Malit të Zi, ndërsa vizitën në rajon do ta përmbyllë me ndalesën në Maqedoninë e Veriut. Këto detaje rreth itinerarit janë bërë të ditura nga zëdhënësi i Komisionit Evropian, Olof Gill, gjatë konferencës së rregullt për media. Gjatë këtij turneu, udhëheqëssja e BE-së nuk do t'i përfshijë në vizitat e saj Serbinë dhe Bosnjë e Hercegovinën, vendim ky që, sipas njoftimit, është marrë për shkak të proceseve zgjedhore që pritet të mbahen në të dyja këto shtete.