AAK i jep dritën jeshile propozimit të PDK-së për Gjykatën Speciale

Deputeti i Aleancës për Ardhmërinë e Kosovës, Besnik Tahiri, ka bërë të ditur se subjekti i tij politik do të mbështesë çdo nismë që kontribuon në vendosjen e drejtësisë. Kjo deklaratë erdhi gjatë një konference për media pas mbledhjes së Kryesisë së kësaj partie. Ndërkohë, gjatë këtij takimi, përfaqësuesit e AAK-së kanë ngritur si shqetësim urgjent edhe çështjen e themelimit të institucioneve të reja, duke kërkuar që Kuvendi i Kosovës të konstituohet në afatin sa më të shpejtë të mundshëm. "Çdo iniciativë e cila do të ndihmojë drejtësinë, Aleanca do ta mbështesë. Kemi kërkuar që në takim të diskutohet që sa më shpejt të konstituohet Kuvendi", u shpreh Tahiri para gazetarëve.