Lajmetereja | --:-- | Kosovë & Rajoni
Kronikë

Rigjykimi për vrasjen e argjentinases në Fushë-Kosovë: Endrit Nika përballet sërish me drejtësinë

Redaksia Lajmetereja • 20-11-2026 06:41
Shpërndaj:
Reklamë e Sponsorizuar
Sot në ambientet e Pallatit të Drejtësisë në Prishtinë ka rinisur procesi gjyqësor ndaj Endrit Nikës, i cili akuzohet për vrasjen e shtetases nga Argjentina, Maria Clara Urdangaray. Ngjarja tragjike daton më 1 gusht 2023, kur viktima humbi jetën si pasojë e rënies nga kati i gjashtë i një hoteli në Fushë-Kosovë. Sipas pretendimeve të Prokurorisë Themelore në Prishtinë, i akuzuari Nika dyshohet se pas një konflikti verbal me partneren e tij, e ka ushtruar dhunë fizike ndaj saj. Sipas të njëjtës aktakuzë, dhuna ka kulmuar brenda dhomës së hotelit, ku ai dyshohet se e ka hedhur viktimën nga dritarja e katit të gjashtë. Kujtojmë se në muajin shkurt të vitit 2026, Gjykata Themelore në Prishtinë e kishte shpallur Nikën fajtor për veprën penale “Vrasje e rëndë”, duke e dënuar atë me 18 vjet heqje lirie. Megjithatë, ky vendim u ndryshua më 7 gusht 2026, kur Gjykata e Apelit vendosi ta kthejë çështjen në rigjykim. Ky vendim erdhi pasi mbrojtja paraqiti ankesë, duke argumentuar se në procesin e parë ishin evidentuar shkelje esenciale të dispozitave të procedurës penale.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar