Veteranët e UÇK-së paralajmërojnë protesta nëse vonohet ndryshimi i Ligjit për Specialen

Organizata e Veteranëve të Luftës së Ushtrisë Çlirimtare të Kosovës ka ngritur alarmin për zvarritjen e mundshme të nismave ligjore që prekin Dhomat e Specializuara, duke paralajmëruar reagime të ashpra nëse nuk veprohet shpejt. Në një deklaratë dhënë të martën, nënkryetari i kësaj organizate, Gazmend Syla, ka kërkuar që të mos ketë vonesa në procedimin dhe miratimin e ndryshimeve të propozuara nga Partia Demokratike e Kosovës për Ligjin për Dhomat e Specializuara.