Vlora Çitaku i kundërpërgjigjet diplomatit britanik: Mos na hidhni hi syve për Specialen

Deputetja e Partisë Demokratike të Kosovës, Vlora Çitaku, ka ashpërsuar tonet ndaj ambasadorit të Britanisë së Madhe në Kosovë, Jonathan Hargreaves, pas deklaratave të këtij të fundit se vendimet ndaj ish-krerëve të UÇK-së në Gjykatën Speciale kanë karakter të mirëfilltë personal. Reagimi i figures së lartë të opozitës erdhi menjëherë pas kësaj deklarate, ndërsa Çitaku ka theksuar se diplomati britanik duket se nuk e ka lexuar me vëmendje apo nuk i ka kuptuar drejt zhvillimet dhe dokumentet e këtij procesi gjyqësor.