Tragjedi në rrugën Rozhajë–Beranë: Humb jetën 47-vjeçari nga Kosova

Një aksident i rëndë trafiku ka ndodhur pasditen e sotme në magjistralen që lidh Rozhajën me Beranën, duke lënë pas një viktimë dhe dy të lënduar. Siç bëhet e ditur nga autoritetet policore, viktima është shtetasi i Kosovës me inicialet E.M., i moshës 47-vjeçare. Ngjarja tragjike është regjistruar rreth orës 15:45, ku si pasojë e përplasjes ndërmjet dy automjeteve, përveç humbjes së jetës së 47-vjeçarit, lëndime trupore kanë pësuar edhe dy persona të tjerë, të cilët janë dërguar për trajtim mjekësor. Pas përfundimit të procedurave hetimore dhe ekzaminimeve të kryera nga ekipet kompetente në vendin e ngjarjes, qarkullimi rrugor në këtë segment është normalizuar dhe është hapur sërish për të gjithë pjesëmarrësit në trafik.