Vendimi i madh i Maranit: Shqipëria kërkon kreun ndaj Bjellorusisë me Hoxhën dhe Shehun në formacion

Kombëtarja shqiptare e futbollit ndodhet para një prej ndeshjeve më vendimtare të këtij sezoni në Ligën e Kombeve. Kuqezinjtë do të zbresin në fushë pas pak çastesh përballë Bjellorusisë, në një sfidë që do të përcaktojë fatin e Grupit C1 dhe skuadrën që do të sigurojë ngjitjen në Ligën B. Trajneri Rolando Maran ka bërë zgjedhjet e tij për këtë përballje, duke shfaqur besim të plotë te dyshja Hoxha dhe Shehu, të cilët janë konfirmuar në formacionin titullar. Shqipëria hyn në këtë takim si kryesuese e grupit me 12 pikë, ndërsa Bjellorusia ndjek nga vendi i dytë me 10 pikë. Përfaqësuesja jonë ka fatin në dorë, pasi edhe një barazim do të mjaftonte për të mbajtur vendin e parë dhe për të siguruar promovimin historik. Formacionet zyrtare për këtë sfidë janë si më poshtë: Bjellorusia: Lapoukhov, Barbovskiy, Begunov, Ebong, Gomanov, Kontsevoy, Lukashov, Pechenin, Selyava, Shumansky, Volkov. Trajner: Viktor Goncharenko. Shqipëria: Berisha, Ismajli, Gjimshiti, Mitaj, Hysaj, Shehu, Asllani, Pilo, Hoxha, Laçi, Manaj. Trajner: Rolando Maran.