Përballja vendimtare Bjellorusi-Shqipëri, çfarë paralajmërojnë shifrat e sondazhit zyrtar të UEFA-s?

Kombëtarja shqiptare e futbollit do të zbresë në fushë mbrëmjen e sotme, duke nisur nga ora 18:00, për të disputuar takimin e fundit të vlefshëm për Grupin C1 në Ligën e Kombeve. Kjo përballje direkte, e cila do të zhvillohet në stadiumin e Budapestit, do të përcaktojë përfundimisht kreun e grupit. Përfaqësuesja kuqezi luan për opsione me peshë të madhe, përfshirë ngjitjen e drejtpërdrejtë në Ligën B, sigurimin e një vazoje më të favorshme në shortin e eliminatoreve për Euro 2028, si dhe një vend pothuajse të sigurt në fazën play-off të Kampionatit Evropian. Ndërkohë, në sondazhin e hapur nga shtëpia evropiane e futbollit në faqen e saj zyrtare pak orë para fillimit të sfidës, mbështetësit e futbollit e shohin Shqipërinë si ekipin e favorizuar për të marrë fitoren. Plot 66% e votuesve kanë shprehur besimin se kuqezinjtë do të triumfojnë në këtë duel, ndërsa 28% e pjesëmarrësve në sondazh parashikojnë një sukses për Bjellorusinë. Vetëm 6% e tifozëve besojnë se ky takim do të mbyllet në barazim. Megjithatë, vlera e një pike të mundshme mbetet e rëndësishme, pasi një rezultat i tillë do t'i mjaftonte sërish skuadrës shqiptare për të ruajtur kreun e tabelës.