Një incident ka ndodhur të premten në rrugën “Ismajl Qemajli” në Vushtrri, ku një qytetar ka penguar qarkullimin rrugor dhe ka sulmuar zyrtarët policorë gjatë kryerjes së detyrës. Sipas informacioneve, pasi nuk respektoi sinjalizimet e policisë, i dyshuari u ndal nga patrulla, ku më pas i ka kanosur dhe shtyrë fizikisht zyrtarët. Pas intervistimit dhe konsultimit me prokurorin kujdestar, ndaj tij është iniciuar rasti “Kanosje ndaj personit zyrtar”, ndërsa është liruar në procedurë të rregullt.