Një person është plagosur në Vushtrri rreth orës 21:00. Lidhur me rastin ka folur zëdhënësja e policisë për rajonin e Mitrovicës, Fexhrije Pllana, e cila ka bërë të ditur se i plagosuri, pas trajtimit në urgjencën e Vushtrrisë, është dërguar në QKUK për trajtim të mëtejshëm. “Sot rreth orës 20:59 nga urgjenca e Vushtrrisë është raportuar për një person të lënduar, e që dyshohet të jetë plagosur nga arma e zjarrit. Personi në fjalë, pas marrjes së tretmanit, është dërguar në QKUK për trajtime të mëtutjeshme”, ka deklaruar Pllana.