Kevion De Bruyne drejt largimit nga Napoli? Bashkëshortja zbulon planet e familjes

E ardhmja e Kevin De Bruynes te skuadra e Napolit ka hyrë në një fazë pasigurie, pasi bashkëshortja e tij, Michele, ka bërë të publike dëshirën e familjes për t'u rikthyer në atdhe. Sipas informacioneve të bëra publike nga mediumi “NINA”, familja e yllit belg po përballet me sfida të ndryshme sa i përket integrimit të tyre në qytetin italian. Popullariteti i jashtëzakonshëm i futbollistit ua kufizon lirinë dhe ua bën të vështira veprimet e përditshme, duke e bërë ambientimin jashtë fushave të blerta mjaft sfidues. Michele ka pranuar se në tryezën e tyre familjare po diskutohet gjithnjë e më seriozisht mundësia e një zhvendosjeje në rajonin e Limburgut në Belgjikë. Një hap i tillë do t'i mundësonte atyre të ishin më afër të afërmve të tyre dhe të gëzonin një përditshmëri më të qetë. Në këtë pikë të karrierës së tij, duket qartë se prioritetet e De Bruynes kanë ndryshuar, duke i dhënë përparësi mirëqenies dhe qetësisë familjare mbi karrierën sportive.