E ardhmja e Fernandes në pikëpyetje, mesfushori vë kushte para rinovimit me Unitedin

Bruno Fernandes ka vendosur të presë edhe pak kohë përpara se të lidhë përfundimisht fatin e tij me Manchester Unitedin, duke shtyrë kështu bisedimet për vazhdimin e bashkëpunimit. Krijuesi i lojës nga Portugalia kërkon që fillimisht të bindet në lidhje me ecurinë dhe drejtimin që do t'i japë skuadrës trajneri Mauricio Pochettino, para se të marrë një vendim konkret rreth qëndrimit të tij afatgjatë në stadiumin “Old Trafford”. Siç raportojnë mediat angleze, futbollisti 32-vjeçar ka hedhur poshtë deri më tani dy propozime radhazi për kontratë të re, pasi preferon të analizojë me kujdes hapat e klubit para se të firmosë. Ndërkohë, drejtuesit e Manchester Unitedit po shqyrtojnë mundësinë që të aktivizojnë klauzolën për ta mbajtur atë edhe për një sezon shtesë, lëvizje kjo që parashikohet të ndodhë para muajit janar. Vlen të theksohet se marrëveshja aktuale e Fernandes me “Djajtë e Kuq” skadon zyrtarisht në verën e vitit të ardhshëm.