Lideri Suprem i Iranit, Ajatollah Ali Khamenei, ka bërë paraqitjen e tij të parë publike që nga shpërthimi i konfliktit të fundit midis Iranit dhe Izraelit.Ai mori pjesë të premten, më 5 korrik, në një ceremoni zie për muajin islamik Muharrem në Teheran, sipas mediave shtetërore iraniane.Mungesa e tij në publik gjatë periudhës së fundit kishte shkaktuar spekulime mbi gjendjen e tij shëndetësore dhe sigurinë, duke ngjallur shqetësime mes vëzhguesve vendas dhe ndërkombëtarë. Shfaqja në ceremoni konsiderohet si një sinjal i stabilitetit dhe forcës së udhëheqësit suprem iranian, duke treguar se lideri mbetet i paprekur pavarësisht tensioneve të rritura rajonale.Ky aktivitet po ashtu u përcoll si një mesazh se udhëheqja e Iranit është e qëndrueshme mes shkëmbimeve të sulmeve midis dy vendeve gjatë muajit qershor, që përfshinin goditje izraelite ndaj objektivave ushtarake dhe bërthamore iraniane.