Publikuar më: Gjykata Komerciale ka miratuar kërkesën për caktimin e masës së sigurisë, duke pezulluar përkohësisht ekzekutimin e vendimit dhe njoftimit të Zyrës së Rregullatorit për Energji (ZRRE) lidhur me liberalizimin e tregut të energjisë elektrike. Sipas avokates Blinera Osmani, kjo është një fitore e rëndësishme drejt mbrojtjes së të drejtave të klientëve që përfaqëson, si dhe një hap thelbësor në respektimin e ligjit, shkruan “Jepi zë”. “Ky është një hap i rëndësishëm drejt mbrojtjes së të drejtave të klientëve tanë dhe respektimit të ligjit”, ka deklaruar ajo pas vendimit të gjykatës. Pezullimi do të jetë në fuqi deri në marrjen e një vendimi përfundimtar gjyqësor për këtë çështje.