Servette Chenois mposhtet nga Roma

Servette Chenois pësoi humbje 2:1 në udhëtim ndaj AS Romës, në ndeshjen e xhiros së katërt të fazës së ligës së Ligës së Kampionëve për femra. Një nga protagonistet e mbrëmjes ishte futbollistja zvicerane Alayah Pilgrim, e cila shënoi golin e dytë për skuadrën italiane. Gloria Marinelli realizoi nga penalltia për ta ngushtuar rezultatin, por Servette nuk arriti të shmangte humbjen.Kampionia e Zvicrës regjistroi kështu humbjen e tretë në katër ndeshjet e para të kësaj gare. Alayah Pilgrim shënon kundër kampiones së Zvicrës Servette Chenois kishte shpresuar të merrte rezultat pozitiv kundër AS Romës. Kampionia italiane kishte grumbulluar vetëm një pikë në tri ndeshjet e para të fazës së ligës, ndërsa skuadra nga Gjeneva vinte pas fitores bindëse 5:1 kundër OH Leuvenit belg. Skuadra e trajnerit Cristian Toro e nisi ndeshjen me guxim dhe kërkoi të sulmonte. Megjithatë, gradualisht Roma mori kontrollin e lojës. Në minutën e 25-të, portierja holandeze e Servette, Jacintha Weimar, u mposht për herë të parë. Bashkëkombësja e saj Kayleigh van Dooren shënoi për 1:0, duke përfituar nga pozicionimi i mirë në zonën kundërshtare. Nëntë minuta më vonë erdhi momenti i Alayah Pilgrim. Sulmuesja e  Zvicrës arriti ta dërgonte topin në rrjetë për 2:0, duke shënuar golin e saj të parë në këtë edicion të Ligës së Kampionëve. Portierja e Romës, Rachele Baldi, e largoi topin më shumë seç duhej dhe, në përpjekje për ta korrigjuar gabimin, rrëzoi Magdalena Sobal në zonë. Pas konsultimit me VAR-in, gjyqtarja portugeze Catarina Campos akordoi penallti. Gloria Marinelli ishte e saktë nga pika e bardhë dhe në minutën e 74-të ngushtoi rezultatin në 2:1.Në minutat e fundit, Servette u përpoq të gjente golin e barazimit, por i mungoi konkretizimi në fazën sulmuese. Renditja dhe ndeshjet e ardhshme Kjo ishte humbja e tretë e Servette Chênois në katër ndeshjet e para të fazës së ligës. Në konkurrencën me 18 skuadra, kampionia zvicerane zbret në vendin e 14-të. Për të hyrë në mesin e 12 skuadrave të para dhe për të siguruar një vend në fazën e plejofit, Servette do të ketë nevojë për rezultate pozitive në dy ndeshjet e mbetura. Ndeshjet e ardhshme, 19 nëntor: Barcelona – Servette Chenois. Skuadra katalanase është ndër pretendentet kryesore të kësaj gare dhe ka treguar formë të shkëlqyer deri tani.16 dhjetor: Servette Chênois – Paris FC.