Instagram shtrin globalisht sistemin e bazuar në AI për verifikimin e moshës

Për t'i ofruar një mbrojtje më të madhe të rinjve në internet, gjiganti teknologjik Meta ka bërë të ditur se po përhap në shkallë globale teknologjinë e saj të Inteligjencës Artificiale për vlerësimin e moshës. Ky hap do të mundësojë shtrirjen e masave të sigurisë për adoleshentët tek miliona përdorues të rinj të regjistruar në Instagram. Sipas shpjegimeve nga kompania, mekanizmi i ri ka aftësinë të identifikojë profilet e personave që dyshohet se i përkasin moshës adoloshente, pavarësisht se gjatë procesit të hapjes së llogarisë mund të kenë shënuar se janë të rritur. Llogaritë e piketuara nga sistemi do t'i nënshtrohen automatikisht kalimit në parametrat e sigurisë të ndërtuara posaçërisht për grupmoshën e tyre. Këto masa kufizuese përfshijnë kontrollin se kush ka të drejtë të komunikojë me përdoruesit e rinj, llojin e materialeve mediatike që u shfaqen në ekran, si dhe menaxhimin e kohëzgjatjes së qëndrimit brenda platformës. Krahas Instagramit, drejtuesit e kompanisë kanë konfirmuar se integrimi i kësaj teknologjie po avancon edhe në rrjetin social Facebook. Ndërkohë, një skemë e ngjashme parashikohet të lansohet në shkallë botërore edhe për përdoruesit e platformës Threads brenda mbylljes së këtij viti.