Xheneta Fetahu plas me akuza të forta: Banorët po bëjnë të njëjtat gabime, ironizon ashpër Beharen për afrimitetin me Fuegoh

Ish-banorja e njohur e edicionit të tretë të 'Big Brother VIP Kosova', Xheneta Fetahu, ka ngritur një valë reagimesh përmes një postimi në llogarinë e saj zyrtare në InstaStory, duke komentuar zhvillimet e fundit brenda shtëpisë së edicionit të pestë të këtij spektakli. Ajo ka vënë në shënjestër sjelljet e disa prej banorëve aktualë, të cilët sipas saj po përsërisin të njëjtat veprime për të cilat dikur e kishin gjykuar dhe kritika ashpër atë gjatë kohës që ishte pjesë e garës. Sipas Xhenetës, kulmi i ipokrizisë duket te fakti se kritikët e dikurshëm tashmë po sillen në mënyrë identike, madje duke kaluar edhe kufijtë e asaj që ajo e quan të pranueshme. "Këta banorë janë bërë bajat me skena e sjellje palidhje! Ironia më e madhe është që ata që m'kanë kritiku mu, sot po i bëjnë të njëjtat gjëra, bile edhe ma keq! Mos fol para kohe veç me u dokë 'e mirë' para publikut, se koha ta nxjerr fytyrën e vërtetë", ka shkruar ajo në rrjetet sociale. Vëmendja e reagimit të saj është fokusuar kryesisht te raporti mes Behares dhe Fuegos, një temë kjo që ka nxitur debate të shumta brenda mureve të shtëpisë gjatë ditëve të fundit. E revoltuar nga kjo dinamikë, Xheneta ka përdorur tonë ironike ndaj Behares, duke aluduar se ajo po i afrohet së tepërmi Fuegos, pavarësisht faktit se vazhdimisht e thekson statusin e saj si nënë e dy fëmijëve. "Sa i përket Behares, aq shumë po i shkon mbrapa Fuegos, sa veç në prehën e tij pa u ulë i ka mbetë! 'Jam nanë e dy fëmijëve', ama as drejt s'po rrin ulun, edhe atë me xhinse! WTF?”, ka shtuar ajo në postimin e saj. Në mbyllje të reagimit, ish-banorja ka përcjellë një mesazh të prerë drejtuar atyre që mundohen të adoptojnë një imazh prej njeriu të moralshëm dhe shembullor para opinionit publik. "E kjo fjala 'SHEMBULL, SHEMBULL' na lodhi! Thu ti jeni presidente shtetesh, e jo individë në reality show! Ma pak moralizime e ma shumë vepra, se po dilni shumë ma keq se ata që i keni gjyku", ka përfunduar Xheneta Fetahu.