Situatë e qetë në Bulevardin “Dëshmorët e Kombit”, rikthehen disa prej protestuesve

Rreth orës 19:15, situata në Bulevardin “Dëshmorët e Kombit” paraqitet përgjithësisht e qetë. Pavarësisht ndërhyrjes së forcave të rendit për shpërndarjen e turmës, një grup modest protestuesish është kthyer sërish në zonë. Në këtë fazë, protestuesit kanë ndalur çdo veprim të dhunshëm apo hedhje të mjeteve të ndryshme në drejtim të efektivëve. Nga ana e tyre, policia ka pozicionuar një kordon sigurie për të garantuar mbarëvajtjen dhe për të mbajtur situatën nën kontroll të plotë. Ndërkohë, është rikthyer normaliteti në qarkullim, duke lejuar sërish lëvizjen e automjeteve përgjatë bulevardit.