Tragjedia në Poloni, kryediplomati Konjufca dënon sulmin dhe shpreh solidaritet me popullin polak

Ministri i Punëve të Jashtme dhe Diasporës, Glauk Konjufca, ka reaguar ashpër ndaj sulmit tragjik të regjistruar në qytetin polak të Krakovit, incident ky që fatkeqësisht la të vdekur të paktën gjashtë persona dhe la plagosur disa të tjerë. Nëpërmjet një deklarate publike, kryediplomati kosovar i ka adresuar një telegram ngushëllimi homologut të tij nga Polonia, zëvendëskryeministrit dhe ministrit të Jashtëm, Radoslaw Sikorski, si dhe familjarëve që humbën njerëzit e tyre më të dashur gjatë kësaj ngjarjeje të rëndë. Duke uruar shërim sa më të shpejtë për të lënduarit, Konjufca ka nënvizuar se Republika e Kosovës qëndron pranë popullit dhe autoriteteve polake në këto çaste sprove dhe dhembjeje. Në shenjë mirënjohjeje për këtë gjest, Ministria e Punëve të Jashtme e Polonisë i është përgjigjur kreut të diplomacisë kosovare, duke i shprehur falënderimet për mbështetjen e treguar. “Ne i vlerësojmë thellësisht ngushëllimet dhe solidaritetin tuaj”, thuhet në reagimin zyrtar të institucionit diplomatik polak.