Paraqitja fantastike e portierit në Serie A, Elia Caprile mbetet alternativë konkrete për portën e Kombëtares kuqezi

Cagliari ka arritur të sigurojë një fitore të rëndësishme me rezultatin minimal 1-0 ndaj Frosinones, në kuadër të javës së 11-të në kampionatin italian të futbollit, Serie A. Përveç golit vendimtar të realizuar nga Adopo, e gjithë vëmendja në këtë duel ka qenë te paraqitja e jashtëzakonshme e portierit Elia Caprile. Gardiani italian bëri një paraqitje mbresëlënëse në fushë, duke regjistruar plot nëntë pritje vendimtare dhe duke u vlerësuar me notën maksimale 10 nga faqja e specializuar e statistikave “Sofascore”, çka dëshmon ndikimin e tij direkt në arritjen e kësaj fitoreje për vendasit. Përtej performancës në kampionatin italian, emri i 25-vjeçarit mbart një rëndësi të veçantë edhe për opinionin sportiv në Shqipëri. Ai tashmë është pajisur zyrtarisht me pasaportë shqiptare, përmes një dekretit të miratuar nga presidenti i Republikës, Bajram Begaj, duke e kthyer atë në një pistë konkrete për t'u afruar nga Federata Shqiptare e Futbollit në të ardhmen. Nëse një operacion i tillë zyrtarizohet me sukses, kuqezinjtë do të fitonin një alternativë cilësore për portën, repart ky ku aktualisht bëjnë pjesë edhe emra të njohur si Thomas Strakosha, Alen Sherri, Etrit Berisha, Mario Dajsinani dhe Klidman Lilo.