Kryeministri Kurti niset drejt Parisit për të marrë pjesë në Forumin e Paqes

Kryeministri i Republikës së Kosovës, Albin Kurti, ka nisur ditën e sotme një vizitë zyrtare në Republikën e Francës. Gjatë qëndrimit në Paris, kreu i ekzekutivit do të jetë pjesëmarrës në Forumin e Paqes, si dhe do të ndjekë nga afër darkën shtetërore e cila organizohet përftët e këtij eventi nga nikoqiri, Presidenti francez, Emmanuel Macron. Sipas njoftimit zyrtar nga Qeveria, agjenda e kryeministrit Kurti gjatë zhvillimit të këtij forumi do të përfshijë gjithashtu takime të shumta dypalëshe. Ai pritet të bisedojë me liderë ndërkombëtarë, personalitete të larta shtetërore dhe drejtues të institucioneve të ndryshme, si dhe me figura të shquara nga fusha e arsimit, akademisë, artit dhe kulturës.