Triumf me peshë në Holandë: Juventusi mposht AZ Alkmaarin në Ligën e Evropës

Skuadra e Juventusit ka arritur një fitore mjaft të rëndësishme në udhëtim, duke mposhtur me rezultat 2:1 ekipin holandez AZ Alkmaar, në kuadër të përballjeve të xhiros së katërt të Ligës së Evropës. Bardhezinjtë e nisën sfidën me ritëm të lartë dhe kaluan në avantazh që në minutën e 19-të. Randal Kolo Muani shërbeu bukur për Teun Koopmeiners, i cili me një goditje precize e dërgoi topin në këndin e poshtëm të djathtë të portës. Sulmuesi Kolo Muani doli sërish në skenë në minutën e 37-të, ku u tregua mjaft i qetë para portës duke shënuar për 0:2. Në fundin e takimit, përkatësisht në minutën e 88-të, Mexx Meerdink arriti të ngushtonte epërsinë për vendësit në 1:2, mirëpo kjo ishte gjithçka që AZ Alkmaari mundi të bënte deri në bilbilin e fundit. Me këtë fitore mjaft të vlefshme, Juventusi kthehet me tri pikë të mëdha duke u ngjitur në vendin e katërt të tabelës me 10 pikë të grumbulluara, ndërsa AZ Alkmaari renditet në pozitën e 15-të me 6 pikë.