Heroi i Barcelonës kundër Atletico Madridit: Fermin López flet për trofeun e golashënuesit më të mirë

Fermin López ka hedhur poshtë mundësinë e një gare direkte me bashkëlojtarin e tij, Raphinha, për çmimin prestigjioz “Pichichi”, pavarësisht se ishte arkitekti i fitores 2-1 të Barcelonës ndaj Atletico Madridit të dielën. Mesfushori talentuar rezultoi vendimtar në stadiumin “Metropolitano”, duke rikthyer baraspeshën në sekondat e fundit të fraksionit të parë të lojës, për ta kurorëzuar më pas paraqitjen e tij fantastike me golin e epërsisë dhe të tri pikëve në minutën e 66-të. I ngacmuar nga gazetarët nëse do të jetë në gjundje të rivalizojë me Raphinhan për kreun e listës së golashënuesve në La Liga, 22-vjeçari u tregua modest, duke theksuar se një sfidë e tillë është e pamundur. “Nuk besoj se do ta arrij, sepse Raphinha po luan në mënyrë të jashtëzakonshme dhe jam i sigurt se do të vazhdojë të shënojë gola! Për sa kohë që mund ta ndihmoj ekipin, jam i lumtur”, u shpreh ai. Veç performancës së tij individuale, mesfushori spanjoll analizoi edhe qasjen e skuadrës në pjesën e dytë, duke zbuluar se fjalët e trajnerit në dhomat e zhveshjes ishin çelësi i kthesës. “Në pushim e dinim se duhej të vazhdonim të luanim ashtu siç e përfunduam pjesën e parë”, deklaroi ai. “Mendoj se ekipi zhvilloi një pjesë të dytë të jashtëzakonshme, si në aspektin defensiv, ashtu edhe në atë ofensiv. Jemi shumë të lumtur”, përfundoi fjalën e tij Fermin López.