Dy takimet e fundit në Ligën e Kombeve, Foda zbulon sot planet e Dardanëve para gazetarëve

Kryetrajneri i Përfaqësueses së Kosovës në futboll, Franco Foda, do të paraqitet sot para përfaqësuesve të mediave për të diskutuar rreth dy sfidave përmbyllëse të këtij edicioni në Ligën e Kombeve. Gjatë muajit nëntor, skuadra kosovare do të luajë dy ndeshjet e fundit në kuadër të Grupit 3 të Ligës B, ku fillimisht do të masë forcat me Izraelin dhe më pas do të udhëtojë për duelin ndaj Republikës së Irlandës. Ndeshja hapëse do të luhet më 14 nëntor në stadiumin “Fadil Vokrri” në kryeqytet kundër izraelitëve, ndërsa tri ditë më vonë, më 17 nëntor, Dardanët do të jenë mysafirë të irlandezëve në Dublin. Tubimi i lojtarëve nifer sot, ndërsa konferenca e teknikut gjerman për mediat është caktuar të nisë në orën 12:00. Për momentin, Kosova mban pozitatën e dytë në grup me pesë pikë të grumbulluara dhe synon që ciklin e Ligës së Kombeve ta mbyllë me paraqitje pozitive në të dyja ballafaqimet e mbetura.