Bashkëpunim për sigurinë: Drejtori i Policisë në Ferizaj përcjell me mirënjohje përfaqësuesin e Ushtrisë Amerikane

Nënkolonel Faton Pllana, Drejtor Rajonal i Policisë në Ferizaj, ka pritur në një takim zyrtar lamtumirës Nënkolonel Miguel Cisneros, i cili mban detyrën e Oficerit Ekzekutiv të Grupit të Mbështetjes së Zonës – Ballkani, pjesë e Ushtrisë së Shteteve të Bashkuara të Amerikës në kampin Bondsteel, në Sojevë. Ky takim është organizuar në shenjë falënderimi dhe respekti të ndërsjellë, teksa Nënkolonel Cisneros po përmbyll misionin e tij zyrtar në Kosovë. Gjatë bisedës, palët kanë reflektuar mbi punën e përbashkët dhe koordinimin e deritanishëm. Nënkolonel Pllana ka shprehur mirënjohjen e tij për kontributin e dhënë nga përfaqësuesi amerikan gjatë qëndrimit në vendin tonë, duke i uruar njëkohësisht suksese të mëtejshme në karrierën e tij profesionale dhe angazhimet e ardhshme. Nëpërmjet këtij takimi, Policia Rajonale e Ferizajt ka rikonfirmuar përkushtimin për partneritetin e palëkundur me forcat amerikane, duke vlerësuar lart rolin e tyre në ruajtjen e rendit, sigurisë dhe shërbimin në të mirë të të gjithë qytetarëve.