Prishtina përgatitet për të ardhmen: Përparim Rama zbulon projektin ambicioz 'NOËL 2026'

Kryetari i Prishtinës, Përparim Rama, ka shpalosur pamjet e para të projektit 'NOËL 2026', një nismë e re që synon të transformojë kryeqytetin në një qendër të gjallë të ngjarjeve kulturore dhe artistike. Nëpërmjet një njoftimi publik, i pari i Prishtinës ka theksuar se ky realizim po merr jetë falë bashkëpunimit të ngushtë me talentet e rinj nga Kosova, të cilët janë duke ndjekur studimet e tyre në universitete të ndryshme ndërkombëtare. Sipas kreut të komunës, ky angazhim do të shoqërohet me një agjendë të pasur disa-javore në hapësirat e Bogdani Polis. Ky program pritet të mbushë kryeqytetin me shfaqje muzikore, ngjarje kulturore dhe përmbajtje të larmishme dedikuar rinisë.