Kapiteni i Izraelit pas humbjes ndaj Irlandës: Do të hakmerremi

Kapiteni i Izraelit, Manor Solomon, ka reaguar ashpër pas humbjes 3-0 ndaj Irlandës në ndeshjen e Ligës së Kombeve, duke paralajmëruar rivalët për përballjen e ardhshme mes dy skuadrave. Sipas Daily Mail, Solomon deklaroi pas ndeshjes se mes dy përfaqësueseve kishte pasur tensione edhe gjatë takimit, ndërsa kritikoi qëndrimin e lojtarëve irlandezë para dhe gjatë ndeshjes. “Sigurisht që ata na urrejnë dhe ne nuk i duam ata”,deklaroi Solomon, duke shtuar se nuk dëshironte të fliste më shumë për shkak të rrezikut të ndëshkimit. Kapiteni izraelit më pas tha se skuadra e tij do të kërkojë reagim në ndeshjen e ardhshme. “Do të bëjmë gjithçka që ndeshja ndaj Kosovës të duket krejt ndryshe. Kemi edhe katër ndeshje në kampanjë dhe nuk ka përfunduar. Do të marrim hak për këtë”, tha ai. Ndeshja u zhvillua në një atmosferë të pazakontë. Lojtarët e Irlandës nuk shtrënguan duart me kundërshtarët para takimit, ndërsa portieri Gavin Bazunu mungoi pasi vendosi të mos luante për arsye etike. Irlanda fitoi 3-0 me golat e Troy Parrott, Adam Idah dhe Jack Moylan.