Sfidë ndaj teknologjisë: Marka prestigjioze “Prada” i beson artit të vizatimit për fushatën festive

Gjiganti italian i modës, “Prada”, ka vendosur të shkojë kundër rrymës aktuale teknologjike, duke zgjedhur artin njerëzor në vend të imazheve të prodhuara nga inteligjenca artificiale për promovimin e festave të fundvitit. Fushata më e re e markës së njohur, e pagëzuar me emrin “Drawing Prada”, vë në pah talentin e pastër dhe krijimtarinë tradicionale të vizatimit me dorë.