Kuvendi i Kosovës voton komisionet parlamentare, Lista Serbe bojkoton dërgimin e emrave

Punimet e Kuvendit të Kosovës kanë vijuar me votimin e përbërjes së 16 komisioneve parlamentare, proces ky që u shoqërua me mungesën e propozimeve nga subjekti më i madh i serbëve në vend. Gjatë seancës plenare, pasi grupet parlamentare dorëzuan listat e tyre, kryetarja e Kuvendit, Albulena Haxhiu, bëri të ditur se Lista Serbe ka refuzuar të dërgojë emrat e përfaqësuesve të saj për këto trupa punuese. Krahas votimit të komisioneve, kjo seancë shënoi edhe një ngjarje tjetër të rëndësishme, ku deputetët e rinj kanë bërë betimin zyrtar për të nisur detyrën e tyre legjislative. Ndërkaq, pika qendrore e rendit të ditës në takimin e sotëm ishte miratimi i deklaratës së iniciuar nga Partia Demokratike e Kosovës (PDK), e cila kishte në fokus vendimin e Gjykatës Speciale dhe mbrojtjen e vlerave të Ushtrisë Çlirimtare të Kosovës.