Ramadani pas miratimit të Deklaratës për UÇK-në: Këtë unitet dua ta shoh edhe te zgjedhja e Presidentit

Deputeti i Aleancës për Ardhmërinë e Kosovës, Burim Ramadani, ka përcjellë një mesazh bashkimi pas miratimit në Kuvend të Deklaratës së harmonizuar, e cila kundërshton vendimin ndëshkues të Gjykatës Speciale ndaj ish-krerëve të Ushtrisë Çlirimtare të Kosovës. Duke komentuar këtë zhvillim politik, Ramadani ka theksuar se fryma e bashkëpunimit dhe harmonizimit të qëndrimeve mes partive politike nuk duhet të ndalet me kaq, por duhet të shtrihet edhe në procese të tjera kyçe për vendin, siç është zgjedhja e kreut të shtetit. "Kuvendi miratoi deklaratën e harmonizuar. Do të doja që kështu të harmonizuar të votojmë edhe Presidentin e Kosovës," është shprehur deputeti Ramadani, duke vënë theksin te rëndësia e konsensusit të gjerë institucional.