Tragjedi në Has: Humb jetën 46-vjeçari nga Kosova pasi pëson aksident me mjet sportiv

Një ngjarje e rëndë ka tronditur opinionin publik, pasi një aksident fatal në zonën malore të fshatit Domaj në Has të Shqipërisë i ka kushtuar jetën 46-vjeçarit nga Kosova, Albert Qoqaj. Viktima po udhëtonte me një mjet sportiv në momentin kur ndodhi fatkeqësia. Lajmi i hidhur për ndarjen e parakohshme nga jeta të Qoqajt është bërë i ditur përmes një postimi ngushëllues nga faqja “Hasi Heroik”, e cila i ka drejtuar fjalët më të zgjedhura familjarëve, miqve dhe të gjithë të afërmve të të ndjerit për këtë humbje të pazëvendësueshme. Sipas informacioneve zyrtare paraprake, ngjarja tragjike ndodhi më 31 tetor. Si pasojë e këtij aksidenti me mjetin sportiv, përveç humbjes së jetës së Albertit, ka mbetur i lënduar edhe vëllai i tij, Valon Qoqaj, i cili po merr trajtimin e nevojshëm mjekësor. “Zoti e mëshiroftë të ndjerin dhe familjes i dhëntë forcë e durim për ta përballuar këtë humbje të madhe”, shkruhet ndër të tjera në mesazhin e ngushëllimit dedikuar familjes Qoqaj. Ndërkohë, komuniteti dhe dashamirësit vazhdojnë të shprehin ngushëllimet e tyre për familjen në këtë momente të vështira zie, ndërsa të plagosurit i është uruar shërim i plotë dhe sa më i shpejtë.