Arritja historike e Amir Abrashit në Zvicër, kapiteni kuqezi shënon jubileun e jashtëzakonshëm me Grasshoppersin

Futbollisti i njohur i Përfaqësueses së Kosovës, Amir Abrashi, ka shënuar një moment historik në karrierën e tij futbollistike, duke arritur shifrën e rrallë prej 300 ndeshjesh zyrtare me fanellën e klubit zviceran, Grasshopper. Për këtë arritje të rëndësishme, mesfushori shqiptar është shpërblyer me një fanellë simbolike dhe një buqetë me lule, si shenjë mirënjohjeje për kontributin e tij afatgjatë në skuadër. Sipas shtypit helvetik, ky homazh u organizua në stadium para fillimit të sfidës kundër Vaduzit, ku krahas Abrashit u nderua edhe ish-lojtari i këtij klubi, Andy Egli. Megjithatë, pavarësisht fjalimit të mbajtur nga Egli, momenti i jubileut të kapitenit shqiptar nuk pati vëmendjen zyrtare që i takonte. Përballja e tij e 300-të jubileve me fanellën e Grasshopperit ishte regjistruar më herët, në kuadër të ndeshjes së Kupës kundër Grenchenit, ndërsa ceremonia e organizuar para duelit me Vaduzin ishte mjaft modeste, duke përfshirë vetëm dorëzimin e fanellës dhe luleve pa ndonjë fjalim të veçantë hyrës. Për fat të mirë, mungesa e vëmendjes institucionale u kompensua nga vetë bashkëlojtarët e tij. Futbollistët e tjerë të skuadrës u organizuan për t'i dhënë kapitenit vlerësimin e merituar, duke u shfaqur në fushë me fanella speciale gjatë seancës nxehëse dhe duke i krijuar një korridor nderimi, në shenjë falënderimi për përkushtimin dhe udhëheqjen e tij ndër vite. Në aspektin sportiv, Amir Abrashi e nisi ndeshjen si titullar në këtë takim ndaj Vaduzit, i cili u mbyll me barazimin 2:2, duel ky që i takonte javës së 12-të të kampionatit zviceran.