Golden Eagle Ylli vazhdon ecurinë fituese, mposht bindshëm Rahovecin 029 në shtëpi

Golden Eagle Ylli nga Theranda ka shënuar fitoren e radhës në ProCredit Superligë, duke triumfuar para tifozëve të vet përballë Rahovecit 029 me rezultatin 93:79. Për skuadrën vendase kjo është fitorja e katër në këtë edicion. Në këtë ndeshje, epërsia e therandasve u udhëhoq nga një lojë kolektive, ku pesë basketbollistë arritën të regjistrojnë pikë dyshifrore. Kontributin kryesor në aspektin e efikasitetit e dha Davontrey Thomas me 22 pikë të shënuara, i ndjekur nga Connor Withers i cili shtoi 16 pikë, 6 kërcime dhe 6 asistime. Ndërkaq, te skuadra mysafire u dallua Zion Fruster, i cili e mbylli takimin me 20 pikë të realizuara.