Muaji Rozë në Vlorë: Mbi 350 gra i nënshtrohen mamografisë, 20 raste kërkojnë verifikim të mëtejshëm

Ndërkohë që muaji i ndërgjegjësimit ndaj kancerit të gjirit po vjen drejt fundit, Spitali i Vlorës ka shënuar një rritje të ndjeshme të interesit nga ana e qytetareve, duke regjistruar rreth 350 ekzaminime mamografie të kryera gjatë kësaj periudhe. Ky tregues dëshmon për një ndërgjegjësim në rritje mes grave dhe vajzave për rëndësinë e parandalimit. Megjithatë, nga totali i kontrolleve të realizuara, 20 raste janë orientuar drejt analiza dhe ekzaminimeve më të thelluara mjekësore. Të dhënat nga terreni tregojnë se mosha më e re ku është konstatuar kjo patologji në qytetin bregdetar është 30 vjeç. Specialistët e shëndetësisë përsërisin thirrjen e tyre drejtuar qytetareve që të kryejnë mamografinë të paktën një herë në dy vite, duke e konsideruar këtë hap si çelësin për kapjen e hershme të sëmundjes dhe rritjen e shanseve për shërim. Diagnostikimi i parakohshëm dhe vizitat periodike mbeten armët më të fuqishme në betejën kundër kancerit të gjirit, duke mbrojtur shëndetin e gruas. Në Spitalin Rajonal të Vlorës, ky shërbim jetik për diagnostikimin e hershëm u ofrohet qytetareve falas prej vitesh.