Skandali në Mitrovicë: Arrestohet drejtori i spitalit pasi kërcënoi bashkëshorten me frazën rrëqethëse

Prit e deri para pak orësh drejtonte Spitalin e Përgjithshëm në Mitrovicë, Gëzim Berisha ka përfunduar në prangat e Policisë së Kosovës gjatë mbrëmjes së së premtes. Ky arrestim nuk ka të bëjë me detyrën e tij në krye të institucionit shëndetësor, por vjen pas dyshimeve të forta për dhunë në familje. Denoncimi është bërë nga vetë bashkëshortja e tij, e cila ka treguar në Polici se Berisha e kishte kanosur, duke i thënë se do t'i ndodhte e njëjta fatkeqësi si Arlinda Zekaj. Pas kallëzimit të saj, autoritetet kanë ndaluar zyrtarin shëndetësor për një periudhë prej 48 orësh. "Me urdhër të prokurorit kujdestar, është ndaluar për 48 orë personi me inicialet G.B., nën dyshimin për kryerjen e veprës penale ‘Dhuna në familje’", ka deklaruar Kaltrina Shala, zëdhënëse e Prokurorisë Themelore në Prishtinë. Sipas hetimeve paraprake, ky nuk dyshohet të jetë episodi i parë i dhunës nga ana e Berishës ndaj gruas së tij. Ajo kishte ngritur shqetësimin për dhunë të vazhdueshme psikike, ndërsa çifti nuk jeton më bashkë prej disa muajsh. Implikimi i një drejtuesi të lartë shëndetësor në akuzat për vepra penale ka njoftuar reagimin e menjëhershëm të Shërbimit Spitalor Klinik Universitar të Kosovës (SHSKUK), i cili ka konfirmuar pezullimin e menjëhershëm të Gëzim Berishës nga funksioni i drejtorit të Spitalit të Përgjithshëm të Mitrovicës. "Drejtoria e Përgjithshme e SHSKUK-së ka autorizuar menjëherë Zyrën Ligjore që t’u drejtohet zyrtarisht organeve kompetente për të verifikuar urgjentisht këto pretendime. Për SHSKUK-në, këto raportime janë jashtëzakonisht shqetësuese. Qëndrimi ynë institucional është i prerë, dhuna në çfarëdo forme është e dënueshme dhe nuk tolerohet në asnjë rrethanë. Në bazë të informacioneve zyrtare që do të pranohen nga organet kompetente, SHSKUK do të ndërmarrë masat më të rrepta administrative dhe ligjore ndaj drejtorit në fjalë", thuhet në njoftimin zyrtar. Ky rast tronditës vjen në një periudhë kur vendi është përfshirë nga valë protestash të vazhdueshme, ku qytetarët kërkojnë llogaridhënie institucionale lidhur me vrasjen e Arlinda Zekajt.