Kryefjala e Bundesligës: Bayerni pa Kompaninë në pankinë pret Dortmundin për kreun

Klasikja e madhe e futbollit gjerman mes Bayern Munihut dhe Borusia Dortmundit premton emocione të jashtëzakonshme këtë mbrëmje, teksa sfida merr një rrjedhë krejtësisht ndryshe për shkak të mungesës së trajnerit të bavarezëve, Vincent Kompani. Edhe pse strategu belg ka lënë pas spitalin, ai ndodhet ende në proces rikuperimi dhe nuk do të mund të udhëheqë skuadrën nga afër. Për rrjedhojë, Kompani do ta ndjekë këtë përballje vendimtare si spektator, ndërkohë që detyra e drejtimit të ekipit nga pankina u është besuar bashkëpunëtorëve të tij. Përplasja mes dy gjigantëve merr një rëndësi jetike për ecurinë e kampionatit, pasi të dyja skuadrat ndajnë së bashku kreun me nga 17 pikë secila. Dueli i sotëm i vlefshëm për javën e 8-të pritet të vulosë se cila prej tyre do të ngjitet e vetme në majën e renditjes.