Valë protestash në Francë: Mbi 300 mijë qytetarë zbresin në rrugë, shënohen tensionime dhe përplasje

Ministria e Brendshme e Francës ka bërë të ditur se rreth 320 mijë persona janë bashkuar në protestat mbarëkombëtare të zhvilluara përgjatë ditës së shtunë. Megjithatë, shifrat e paraqitura nga sindikatat e të rinjve ndryshojnë ndjeshëm, duke pretenduar se numri i protestuesve ka kapur shifrën e afërsisht gjysmë milioni. Demonstratat, të cilat nisën në formë paqësore, u shoqëruan me tensione të larta në përfundim të marshimeve në metropolin francez, Paris, si dhe në qytete të rëndësishme si Marseja dhe Lioni. Përballë situatës së tensionuar dhe incidenteve të shkaktuara në periferi të turmave, strukturat e rendit u detyruan të ndërhyjnë duke përdorur gaz lotsjellës ndaj grupeve të caktuara.