Natasha Kandiç ashpër ndaj Vuçiqit: Reagimet e tij pas zgjedhjeve tregojnë ankthin e një radikali të humbur

Aktivistja e shquar për të drejtat e njeriut, Natasha Kandiç, ka dhënë një analizë të mprehtë rreth deklaratave të fundit të presidentit serb, Aleksandar Vuçiq, pas disfatës që ai dhe subjekt i tij politik pësuan në zgjedhjet e jashtëzakonshme parlamentare në Serbi. Gjatë këtij prononcimi, ajo u ndal veçanërisht te dinamika e raporteve të kreut të shtetit me lëvizjen studentore, si dhe te mekanizmat e përdorur për të rigrupuar dhe mobilizuar bazën e simpatizantëve të Partisë Përparimtare Serbe (SNS). Duke folur në një intervistë për edicionin kroat të televizionit N1, Kandiç vuri në dukje se gjuha dhe tonet e përdorura nga Vuçiq pas zgjedhjeve nuk janë gjë tjetër veçse një shfaqje e hapur e një zemërimi që buron nga pafuqia dhe ndjenja e humbjes që e ka kapluar atë si një ish-radikal.