Bashkëpunimi kulturor në fokus: Bogujevci pret në takim ambasadorin austriak Schnetzer

Ministrja Saranda Bogujevci ka zhvilluar një takim zyrtar me ambasadorin e Austrisë në Kosovë, Georg Schnetzer, ku u trajtuan mundësitë e reja të partneritetit mes dy shteteve. Në qendër të bisedës mes dy zyrtarëve ishte intensifikimi i marrëdhënieve dypalëshe në sektorin e artit dhe kulturës, me theks të veçantë te realizimi i nismave të përbashkëta dhe intensifikimi i shkëmbimeve kulturore. Gjatë këtij takimi u hodh në tavolinë edhe ideja për jetësimin e Forumit Kulturor Austriak në kryeqytet, një hapësirë kjo që pritet t'i shërbejë promovimit të vlerave kulturore austriake dhe thellimit të lidhjeve ndërmjet dy popujve.