Aksion simbolik i QIKA-s para MPB-së në nderim dhe kërkim drejtësie për Arlinda Zekajn

Qendra për Informim, Kritikë dhe Aksion (QIKA) ka paralajmëruar zhvillimin e një aksioni simbolik në shenjë reagimi para ndërtesës së Ministrisë së Punëve të Brendshme. Sipas njoftimit zyrtar dërguar mediave, kjo nismë vjen me qëllimin parësor për të adresuar dhe vënë në pah rastin tragjik të vrasjes së Arlinda Zekajt. Organizatorët bëjnë të ditur se pas përfundimit të aksionit simbolik, do të mbahet edhe një konferencë për media për të parashtruar qëndrimet e tyre, e cila është parashikuar të nisë në orën 13:30.