Investim i ri në Kamenicë: Ndajnë 150 mijë euro për finalizimin e Qendrës së Kompostimit

Ministria e Mjedisit dhe Planifikimit Hapësinor ka vënë në dispozicion një fond prej 150 mijë eurosh, i cili do të shërbejë për mbylljen e punimeve dhe finalizimin e Qendrës së Kompostimit në komunën e Kamenicës. Lajmi është bërë i ditur nga vetë ministrja e Mjedisit dhe Planifikimit Hapësinor, Fitore Pacolli. Ajo ka bërë të ditur se për këtë projekt të rëndësishëm investues është arritur një marrëveshje formale, përmes nënshkrimit të Memorandumit të Mirëkuptimit me nënkryetaren e Kamenicës, Arta Bajralija.